KOSOVO PREZİDENTİNİN İQAMƏTGAHINA QUMBARA ATILMIŞDIR
AZƏRTAC-ın İTAR-TASS-dan aldığı xəbərdə deyilir ki, Kosovo Prezidenti İbrahim Ruqovanın Priştindəki iqamətgahına qumbara atılmışdır. Polisin məlumatına görə, iqamətgahın yanından ötən avtomobildən atılmış qumbaranın partlaması nəticəsində bir mühafizəçi yaralanmışdır.
Bu həftə Priştində beş belə hadisə baş vermişdir. Şəhərin Dardaniya və Sunçani-Breq rayonlarında iki güclü partlayış törədilmiş, BMT-nin Kosovodakı müvəqqəti nümayəndəliyinin binası yaxınlığında isə partlayıcı qurğu tapılmışdır.
Prezident Ruqova bildirmişdir ki, ekstremistlər bu terror aktları ilə Kosovoda sabitliyi pozmaq niyyətindədirlər.
