RƏSMİ XRONİKA
KRAL II ABDULLAH DİZAYN VƏ İNKİŞAF BÜROSU İLƏ TANIŞLIQ
AZƏRTAC-ın xüsusi müxbiri xəbər verir ki, iyulun 29-da Azərbaycan Prezidenti İlham Əliyev Əmman şəhərinin mərkəzində yerləşən Kral II Abdullah Dizayn və İnkişaf Bürosu ilə tanış olmuşdur.
Dövlətimizin başçısını burada ehtiramla qarşıladılar.
Büro, əsasən, İordaniya ordusunun müasir silah və texnika ilə təmin edilməsində mühüm rol oynayır. Burada zirehli texnika, səhra şəraitində istifadə olunan hərbi maşınlar istehsal edilir.