KUNQ-FUÇULARIMIZ DÜNYA KUBOKU UĞRUNDAYARIŞDA ÇIXIŞ EDƏCƏKLƏR
Bu mötəbər idman tədbirində ölkəmizi əməkdar məşqçi Barat İsrafilovun rəhbərliyi ilə altı nəfərdən ibarət milli yığma komanda təmsil edəcəkdir. Komandanın heyətinə üçqat dünya çempionu Babək Əliyev (70 kq), ikiqat dünya çempionları Ramil Allahverdiyev (56 kq) və Emil Hacıyev (60 kq), ölkə çempionları Nicat Quliyev (65 kq), Zaur İsayev (70 kq) və İntiqam Həsənov (+90 kq) daxildir. 98 ölkədən 2 minə yaxın idmançının 11 çəki dərəcəsi üzrə mübarizə aparacağı kunq-fu yarışları ilə eyni vaxtda ustalar arasında tayci-cuan idman növü üzrə beynəlxalq turnir də keçiriləcəkdir. Bu yarışda Azərbaycanı Barat İsrafilov təmsil edəcəkdir.
Xatırladaq ki, bir aydır Daxili İşlər Nazirliyinin idman cəmiyyətində təlim-məşq toplanışı keçən yığmamız dekabrın 2-də Milana yola düşəcəkdir.
Bölmənin digər xəbərləri
