Kür çayının aşağı axınında suyun səviyyəsində azalma müşahidə olunub
Bakı, 16 yanvar, AZƏRTAC
Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 150-210, Kiçik Qafqazın çaylarında 170-230, Lənkəran-Astara bölgəsi çaylarında isə 40-90 faizini təşkil edir.
Bu barədə AZƏRTAC-a Ekologiya və Təbii Sərvətlər Nazirliyinin Milli Hidrometeorologiya Departamentindən bildirilib.
Məlumata görə, yanvarın 16-da Kür çayının Qıraqkəsəmən məntəqəsində suyun səviyyəsində 1 sm artım müşahidə olunub. Məntəqədə su sərfi saniyədə 135 kubmetr olmaqla ongünlük normanın 84 faizini təşkil edib. Qanıx çayının Əyriçay məntəqəsində suyun səviyyəsində 1 sm azalma müşahidə olunub. Məntəqədə su sərfi saniyədə 46 kubmetr olub ki, bu da ongünlük normanın 69 faizini təşkil edib.
Kür çayının aşağı axınında suyun səviyyəsində azalma qeydə alınıb. Belə ki, suyun səviyyəsi Kür çayının Surra məntəqəsində 5, Salyanda 8, Şirvanda 18, Bankədə 3 və Araz çayının Novruzlu məntəqəsində 12 santimetr azalıb.
Hazırda Surra məntəqəsində suyun səviyyəsi 442, Şirvanda 333, Salyanda 289, Bankədə 230, Araz çayının Novruzlu məntəqəsində isə 161 santimetrdir.
Bölmənin digər xəbərləri
