Kürdəmirdə xəsarətlə nəticələnən yol-nəqliyyat hadisəsi baş verib VİDEO
Kürdəmir, 17 may, AZƏRTAC
Kürdəmir rayonunda yol-nəqliyyat hadisəsi baş verib, bir nəfər xəsarət alıb.
AZƏRTAC-ın bölgə müxbiri xəbər verir ki, hadisə bu gün Bakı-Qazax magistral yolunun rayonun Qarabucaq kəndindən keçən hissəsində qeydə alınıb. Belə ki, “Toyota” markalı avtomobilin sürücüsü, Ağdaş rayon sakini 46 yaşlı Anar Şəmməd oğlu Cabbarov Bakı istiqamətində hərəkətdə olarkən qarşısındakı “KamAZ” markalı yük maşınının qoşqusuna çırpılıb.
Hadisə zamanı “Toyota” markalı maşının sürücüsü müxtəlif dərəcəli bədən xəsarəti alıb.
Faktla bağlı araşdırma aparılır.
Bölmənin digər xəbərləri
