Laosda 1075 nəfər “denge” qızdırmasına yoluxub
Bakı, 24 fevral, AZƏRTAC
Bu ilin yanvar ayından bəri Laosda “denge” qızdırmasına 1075 yoluxma halı qeydə alınıb ki, onlardan da ikisi ölümlə nəticələnib.
AZƏRTAC Sinxua agentliyinə istinadla xəbər verir ki, bu barədə Laos Səhiyyə Nazirliyi məlumat yayıb.
Məlumata görə, ən çox yoluxma halı Sekonq əyalətində müşahidə edilib. Orada 296 nəfərin xəstəliyə yoluxduğu bildirilir. Paytaxt Vyentyanda 221, Luang Namtha əyalətində isə 175 yoluxma halı qeydə alınıb. Hər iki ölüm hadisəsi paytaxtda baş verib.
Laosun səhiyyə orqanları xəstəliyin sürətlə yayılmasının qarşısını almaq üçün evlərin və iş yerlərinin ətrafını ağcaqanadlardan təmizləməyə çağırır.
Bölmənin digər xəbərləri
