LƏNKƏRANDA TOP FESTİVALI KEÇİRİLMİŞDİR
AZƏRTAC xəbər verir ki, Lənkəran şəhərində Azərbaycan Futbol Federasiyaları Assosiasiyası (AFFA) və “Hundai” şirkətinin Azərbaycanda rəsmi distribüteri olan “Hundai Avto Azərbaycan”ın təşkilatçılığı ilə top festivalı keçirilmişdir.
On dörd yaşınadək olan 320 məktəblinin iştirak etdiyi tədbirdə Lənkəran Şəhər İcra Hakimiyyətinin başçısı Süleyman Mikayılov, AFFA-nın baş katibi Elxan Məmmədov, “Hundai” şirkətinin Azərbaycandakı təmçilçisi Könül Kərimova regionlarda uşaq futbolunun inkişafına dair Dövlət Proqramı çərçivəsində keçirilən tədbirin əhəmiyyətini yüksək qiymətləndirmiş, ölkəmizdə idmanın inkişafına, onun maddi-texniki bazasının möhkəmləndirilməsinə göstərdiyi qayğıya görə Prezident İlham Əliyevə minnətdarlıqlarını bildirmişlər.
Festivalın qaliblərinə futbol topları və qiymətli hədiyyələr təqdim edilmişdir.
Bölmənin digər xəbərləri
