Liqa 1-də maaş reytinqi: PSJ-nin futbolçuları ilk “onluq”da
Bakı, 2 aprel, AZƏRTAC
Fransanın nüfuzlu “L'Équipe” nəşri 2025/2026-cı illər mövsümü üzrə Liqa 1-də ən yüksək maaş alan futbolçuların siyahısını açıqlayıb.
AZƏRTAC xəbər verir ki, reytinqin ilk “onluğ”unda yalnız PSJ-nin oyunçuları yer alıblar.
Siyahıya paytaxt təmsilçisinin hücumçusu Usman Dembele başçılıq edir. Onun aylıq qazancı 1,5 milyon avro təşkil edir.
İkinci pilləni 1,12 milyon gəlirlə klubun kapitanı Markinyos tutur. Əşraf Hakimi ilə Lukas Ernandes isə 1,1 milyon avro ilə üçüncü və dördüncü yerləri bölüşdürürlər.
İlk “onluq”da, həmçinin Uorren Zair-Emeri (950 min avro), Vitinya, Xviça Kvaratsxeliya, Joau Neveş (hamısı 900 min avro), Nunu Mendeş, Villian Paço və Fabian Ruis də (hamısı 800 min avro) yer alıblar.
Bölmənin digər xəbərləri
