Lisenziyasız fəaliyyət göstərən mehmanxanalar barədə ciddi tədbirlər görüləcəkdir
Bakı, 17 dekabr (AZƏRTAC). Gələn ilin əvvəlindən etibarən ölkədə lisenziyasız fəaliyyət göstərən mehmanxana və mehmanxana tipli obyektlər barədə ciddi tədbirlər görüləcəkdir.
Mədəniyyət və Turizm Nazirliyinin mətbuat xidmətindən AZƏRTAC-a bildirmişlər ki, ölkədəki lisenziyasız mehmanxana və mehmanxana tipli obyektlərə lisenziyalaşdırılma üçün ilin sonunadək vaxt verilmişdir. Hazırda ölkədə lisenziyasız fəaliyyət göstərən bütün mehmanxana və mehmanxana tipli obyektlər lisenziyalaşdırılmaya cəlb edilir.
Bu gün Azərbaycanda 319 mehmanxana və mehmanxana tipli obyekt lisenziya ilə fəaliyyət göstərir. İlin sonunadək lisenziya alan mehmanxana və mehmanxana tipli obyektlərin sayında artım olacaqdır. Lisenziyasız mehmanxanaların hələlik ilin sonunadək vaxtları vardır. Şəraitləri minimal tələblərə uyğun olmayan obyektlərə nazirlik tərəfindən lisenziya verilmir.
Bölmənin digər xəbərləri
