Litvada koronavirusdan ölənlərin sayı 60-ı keçib
Vilnüs, 21 may, AZƏRTAC
Litvada son sutka ərzində koronavirusa (COVID-19) yoluxanların sayı artaraq 1593 nəfərə çatıb.
AZƏRTAC xəbər verir ki, bu barədə Litvanın Səhiyyə Nazirliyi məlumat yayıb. Bildirilib ki, epidemiyanın yayıldığı tarixdən bəri ölkədə 253 min 4 nəfər müayinə olunub.
Nazirliyin məlumatına əsasən, son sutka ərzində COVID-19 virusuna görə 7424 test aparılıb.
Ölkədə COVID-19-dan 61 ölüm faktı qeydə alınıb. Sağalanların sayı isə 1049 nəfər təşkil edib.
Litvada virusa yeni yoluxma hallarının artacağı istisna olunmur.
Asiman Əsədov
AZƏRTAC-ın xüsusi müxbiri
Vilnüs
Bölmənin digər xəbərləri
