Liverpulda azarkeşlərin üzərinə avtomobil sürən şəxs məhkəmə qarşısına çıxarılıb
London, 30 may, AZƏRTAC
“Liverpul” klubunun çempionluq paradından sonra izdihamın üzərinə avtomobil sürən 53 yaşlı Pol Doyl bu gün Liverpul Magistrantlar Məhkəməsi qarşısına çıxarılıb.
AZƏRTAC BBC-yə istinadla xəbər verir ki, sabiq dəniz piyadası olan P.Doyl ümumilikdə yeddi maddə üzrə ittiham olunur.
Bu ittihamlar arasında qəsdən sağlamlığa xəsarət yetirmə, ağır bədən xəsarətinə cəhd, təhlükəli sürücülük və s. yer alır.
Qeyd edək ki, insident mayın 26-da saat 18:00 radələrində şəhər mərkəzində yerləşən “Water Street” küçəsində baş verib. Hadisə nəticəsində 79 nəfər xəsarət alıb.
Liverpulun Vest Derbi bölgəsində yaşayan, üç uşaq atası Pol Doylun ailəsindən və dostlarından heç kim məhkəmə prosesinə qatılmayıb.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
