London Kiyevə 300 milyon dollardan çox vəsait ayıracaq
Bakı, 24 fevral, AZƏRTAC
Böyük Britaniya 2025-ci il ərzində döyüş sursatı alınması və istehsalı ilə bağlı tədarük zəncirlərini artırmaq üçün Ukraynaya 245 milyon funt sterlinq (311 milyon dollar) yardım paketi ayıracaq.
AZƏRTAC xəbər verir ki, bu barədə Böyük Britaniya Müdafiə Nazirliyinin bəyanatında deyilir. Yeni yardım paketi Kiyevin artilleriya sursatı ehtiyatlarını artırmaq məqsədi daşıyır.
Qeyd edək ki, bir müddət öncə Böyük Britaniyanın müdafiə naziri Qrant Şepps parlamentin İcmalar Palatasında çıxışı zamanı Ukraynaya 200 ədəd yüksək dəqiqlikli “Brimstone” raketinin də daxil olacağı yardım paketini açıqlayıb.
Bölmənin digər xəbərləri
