Londonda “dördlər” formatında Ukrayna-Rusiya münaqişəsinin tənzimlənməsi müzakirə ediləcək
Kiyev, 22 aprel, AZƏRTAC
Ukrayna İngiltərə, Fransa və ABŞ ilə birlikdə Rusiya ilə müharibəyə son qoymağın yollarını müzakirə edəcək. Dörd ölkənin nümayəndələri aprelin 23-də Londonda görüşəcəklər.
AZƏRTAC xəbər verir ki, bu barədə Ukrayna Prezidenti Volodimir Zelenski X sosial şəbəkəsində yazıb.
"Artıq çərşənbə günü nümayəndələrimiz Londonda Böyük Britaniya, Fransa, ABŞ-la birgə işləyəcək. Biz real və davamlı sülhün bərqərar olması ilə qeyd-şərtsiz atəşkəsə nail olmaq üçün mümkün olan ən konstruktiv şəkildə irəliləməyə hazırıq", - deyə Zelenski vurğulayıb.
Prezident Ukraynaya kömək edən bütün tərəfdaşlara təşəkkür edib.
Zelenskinin sözlərinə görə, əlavə şərtlər olmadan atəşkəs sülhə doğru ilk addım olmalıdır. Pasxa göstərdi ki, müharibənin uzanmasına səbəb Rusiyanın hərəkətləridir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
