Londonda məşhur irlandiyalı reperə qarşı terror ittihamı irəli sürülüb
London, 22 may, AZƏRTAC
İrland dilində fəaliyyət göstərən “Kneecap” hip-hop qrupunun üzvü Liam Ohannaya (səhnə adı ilə Mo Chara) ötən ilin noyabr ayında Londondakı konserti zamanı Böyük Britaniyada terror təşkilatı hesab olunan “Hizbullah”ı dəstəkləyən bayraq nümayiş etdirdiyi iddiası ilə terror ittihamı irəli sürülüb.
AZƏRTAC BBC-yə istinadla xəbər verir ki, o, iyunun 18-də Vestminster Məhkəməsində hakim qarşısına çıxarılacaq.
“Kneecap” qrupu sosial mediada yaydığı bəyanatda bu ittihamı rədd edib: “Biz bu ittihamı inkar edirik və özümüzü qətiyyətlə müdafiə edəcəyik. Bu, siyasi polis fəaliyyətidir. Bu, diqqəti yayındırmaq üçün qurulan bir tamaşadır. Hazırda Qəzzada minlərlə körpə aclıqdan ölmək üzrədir, dünyanın göndərdiyi ərzaq isə divarın o tayında qalıb. Amma Britaniya hökumətinin diqqəti yenə bizə yönəlib”, - deyə bəyanatda bildirilib.
Böyük Britaniyada həm HƏMAS, həm də “Hizbullah” terror təşkilatları siyahısına daxildir və onlara dəstək ifadə etmək qanunla qadağandır.
Bölmənin digər xəbərləri
