Macar şərabları beynəlxalq müsabiqədə mükafatlara layiq görülüb
Budapeşt, 21 aprel, AZƏRTAC
Macarıstanın şərabçılıq ənənələri beynəlxalq miqyasda daha bir yüksək mükafata layiq görülüb.
AZƏRTAC xəbər verir ki, Bordoda keçirilən beynəlxalq “Challenge International du Vin” müsabiqəsində Macarıstanın “Patricius Borház” şərab evi bir neçə görkəmli məhsuluna görə mükafata layiq görülüb. Bu il mükafat qazanan sortlara 2022-ci ilin məhsulundan “Profundum Furmint” daxildir. İstehsalçının broşüründə qeyd olunur ki, bu çeşid palıddan düzəldilən çəlləklərdə səkkiz ay yaşlanması sayəsində zərif, meyvəli və mineral növlərə malikdir.
İstehsalçı şirkət təxminən 20 il əvvəl yaradılıb və UNESCO-nun Ümumdünya İrs Siyahısında yer alan Tokaj-Hegyaljanın tarixi şərab bölgəsindəki aparıcı şərab zavodlarından biri sayılır. Bu illər ərzində şərab bölgəsi 2016-cı ildə “İlin şərabçısı” adını qazanaraq bir neçə mükafat alıb. Onun “Tokaj” delikatesləri isə çoxsaylı peşəkar mükafatlara layiq görülüb.
“Patricius Borház” malikanəsinin idarəedicisi Peter Molnar bildirib: “Bu mükafat həm də Tokaj şərab bölgəsinin beynəlxalq nüfuzunu və şöhrətini artırır”.
Qeyd edək ki, “Challenge International du Vin” 1976-cı ildən bəri təşkil edilir və dünyanın ən nüfuzlu şərab müsabiqələrindən biri sayılır.
Vüqar Seyidov
AZƏRTAC-ın xüsusi müxbiri
Budapeşt
Bölmənin digər xəbərləri
