Macarıstan forinti hələ də həssas olaraq qalır
Budapeşt, 14 dekabr, AZƏRTAC
Bloomberg-in anonim mənbəyə istinadla dərc etdiyi məqalə Macarıstanın Baş naziri Viktor Orbanın mümkün gələcək siyasi planları ilə bağlı bazarlarda qeyri-müəyyənlik yaradıb. Xəbər beynəlxalq maliyyə bazarlarında sürətlə yayılaraq Macarıstan forintinin kəskin dalğalanmasına səbəb olub.
AZƏRTAC xəbər verir ku, həftə ərzində forint “rollerkoster” effekti yaşayıb: avro ilə məzənnə bazar ertəsi 382 səviyyəsində olsa da, cümə günü 384-385 həddinə yaxınlaşıb. Dollar qarşısında da forint əvvəlcə zəifləyib, sonra qismən möhkəmlənib.
Analitiklər bildirirlər ki, bu proses forintin hələ də həssas olduğunu göstərir. Bir xəbərin və ya şayiənin qısa müddətdə valyutaya ciddi təsir göstərməsi investorların narahatlığını artırır. Eyni zamanda, inflyasiyanın noyabrda 3,8 faizə enərək Mərkəzi Bankın hədəf diapazonuna qayıtması müsbət siqnal hesab olunur. Bununla belə, mütəxəssislər risklərin azalmasının və iqtisadi etimadın bərpasının əsas prioritet olduğunu vurğulayırlar.
Vüqar Seyidov
AZƏRTAC-ın xüsusi müxbiri
Budapeşt
Bölmənin digər xəbərləri
