Mağazaların birindən oğurluqda şübhəli bilinən Astara rayon sakinləri saxlanılıblar
Bakı, 31 mart, AZƏRTAC
Mağazaların birindən oğurluqda şübhəli bilinən Astara rayon sakinləri S.Mirzəyev, P.Məstəliyev, R.Cəbiyev və Z.Hüseynzadə saxlanılıblar.
Daxili İşlər Nazirliyinin mətbuat xidmətindən AZƏRTAC-a bildiriblər ki, Lənkəran Şəhər Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində rayon ərazisindəki mağazaların birindən 600 manat məbləğində pul, 950 manat dəyərində danışıq kartları və tütün məmulatı və oradakı ödəmə terminalından 1990 manat məbləğində pul oğurlamaqda şübhəli bilinən Astara rayon sakinləri S.Mirzəyev, P.Məstəliyev, R.Cəbiyev və Z.Hüseynzadə saxlanılıblar.
Bölmənin digər xəbərləri
