MAKEDONİYA UNİVERSİTETİNİN NÜMAYƏNDƏ HEYƏTİ İLƏ GÖRÜŞ

01.03.2004 [22:59]
Çap et
A⁺ A^-

Yunanıstanın Səlanik şəhərindəki Makedoniya Universitetinin beynəlxalq münasibətlər üzrə prorektoru, professor Parulo Perakesin başçılığı ilə nümayəndə heyəti Bakı Slavyan Universitetində olmuşdur. Qonaqlar regionşünaslıq fakültəsinin yunan şöbəsinin müəllim və tələbələri ilə maraqlı görüş keçirmişlər.

BSU-nun rektoru, professor Kamal Abdullayev qonaqlara universitetin fəaliyyəti və strukturu haqqında ətraflı məlumat verərək demişdir ki, təzəcə açılmış yunan şöbəsində yunan dili və ədəbiyyatı öyrənilir.

Universitetlər arasında qarşılıqlı əməkdaşlıq, tələbə və müəllim mübadiləsi haqqında müqavilə imzalanmış, qonaqlara xatirə hədiyyələri təqdim olunmuşdur.

Tələbələrin ifasında Dionisios Solomos, Esxil və digər yunan müəlliflərinin əsərlərindən parçalar səslənmişdir.