Makron SAMP/T hava hücumundan müdafiə sisteminin Ukraynada yerləşdirildiyini təsdiqləyib
Bakı, 20 iyun, AZƏRTAC
Fransa və İtaliyanın istehsal etdiyi SAMP/T hava hücumundan müdafiə sistemləri artıq Ukrayna ərazisində istifadə olunur.
AZƏRTAC xəbər verir ki, bu barədə Fransa Prezidenti Emmanuel Makron Parisdə keçirilən Avropa Hava Hücumundan Müdafiə Konfransının yekunlarından sonra belə bir bəyanatla çıxış edib.
“İtaliyalı həmkarım Corc Meloni ilə birlikdə elan etməkdən məmnunam ki, hazırda Ukrayna ərazisində əsas obyektləri qoruyan Fransa-İtaliya SAMP/T sistemləri yerləşdirilib və fəaliyyət göstərir”, - deyə E.Makron bildirib.
Fevral ayında Fransa Müdafiə Nazirliyi Paris və Romanın SAMP/T orta mənzilli yerüstü hava hücumundan müdafiə sistemlərini yazda Kiyevə təhvil verməyə hazır olduqlarını bildirmişdi. Lakin aprel ayında Pentaqonun məxfi sənədlərinin sızmasından sonra məlum oldu ki, çatdırılma yalnız iyun ayına qədər həyata keçirilə bilər.
SAMP/T kompleksi yerüstü obyektləri irimiqyaslı hava hücumundan, o cümlədən dronlardan qoruyur. İstehsalçı Avropa konsorsiumu “Eurosam”dır.
Bölmənin digər xəbərləri
