“Maliyyə texnologiyaları və innovasiyalar” mövzusunda təlim sessiyası keçirilib
Bakı, 12 noyabr, AZƏRTAC
Azərbaycan Mərkəzi Bankı (AMB) tərəfindən “İqtisadi jurnalistikanın inkişafına dəstək proqramı” çərçivəsində keçirilən növbəti təlim sessiyası “Maliyyə texnologiyaları və innovasiyalar” mövzusuna həsr olunub.
AMB-dən AZƏRTAC-a bildirilib ki, Mərkəzi Bankın Maliyyə bazarlarında tərəfdaşlığın inkişafı və təşviqi şöbəsinin böyük mütəxəssisi Jalə Əfəndiyeva tərəfindən Bakı Slavyan Universitetində təhsil alan gənc jurnalistlərə xüsusi tənzimləmə rejimi, açıq bankçılıq yanaşması, virtual aktivlər, “Öz müştərini tanı” platforması və digər innovativ maliyyə həlləri barədə məlumat verilib.
Aktiv müzakirələr şəraitində keçən sessiyada, həmçinin Mərkəzi Bankın ölkədə innovasiyaların təşviqinə yönəlmiş əsas təşəbbüslərindən və tənzimləyici rolundan bəhs olunub.
Təlimin sonunda iştirakçılara maliyyə texnologiyaları və innovasiyalar mövzusunda xəbərlərin formalaşdırılmasına dair tövsiyələr də səsləndirilib.
Bölmənin digər xəbərləri
