“Mançester Siti” klubu “Preston”un 129 illik rekordunu təkrarlayıb
Bakı, 7 may, AZƏRTAC
“Mançester Siti” futbol klubu İngiltərə çempionatının 37-ci turunda “Lester Siti” (1: 0) ilə oyunda minimal hesablı qələbə qazanıb.
AZƏRTAC xəbər verir ki, Mançester təmsilçisi ardıcıl iki mövsümdə Premyer Liqa klublarını ən azı bir dəfə məğlub edərək “Preston” klubunun 129 illik rekordunu təkrarlayıb. “Preston” klubu bu rekorda 1888/1889-cu və 1889/1890-cı illərdə imza atıb.
Qeyd edək ki, “Mançester Siti” İngiltərə çempionatında 95 xalla turnir cədvəlinə başçılıq edir. Onun ən yaxın izləyicisi “Liverpul” isə 94 xalla ikinci pillədə qərarlaşıb.
Bölmənin digər xəbərləri
