Marko Rubio: Fransa, Almaniya və Böyük Britaniya Ukraynada sülhə kömək edə bilər
Bakı, 18 aprel, AZƏRTAC
Fransa, Almaniya və Böyük Britaniya Ukrayna münaqişəsinin nizamlanması məsələsinə yardım edə bilər.
AZƏRTAC xəbər verir ki, ABŞ Dövlət katibi Marko Rubio bunu Parisdə Fransa və Böyük Britaniyanın hakimiyyət orqanları ilə apardığı danışıqlardan sonra jurnalistlərə deyib.
“Danışıqlar çox faydalı və konstruktiv məcrada keçib. Fransa, Böyük Britaniya və Almaniya bizim razılığa gəlməyimizə kömək edə bilər”, - deyə Marko Rubio bildirib.
ABŞ Dövlət katibinin sözlərinə görə, Ağ ev nizamlanma məsələsində London və Parislə daim təmasdadır: “Biz onların töhfələrini və bu məsələdə iştirak etmələrini alqışlayır və bunun vacib iş olduğuna inanırıq”.
Aprelin 17-də Fransa Prezidenti Emmanuel Makron Parisdə Marko Rubio və ABŞ prezidentinin xüsusi nümayəndəsi Steven Uitkoff ilə görüşüb. Yelisey sarayının məlumatına görə, “konstruktiv danışıqlar” Ukraynadakı münaqişənin həlli məsələsində “mövqelərin yaxınlaşmasına” kömək edib.
Bölmənin digər xəbərləri
