Mask Ağ evin qeyri-rəsmi müşaviri olacaq
Bakı, 30 may, AZƏRTAC
Amerikalı sahibkar İlon Mask ABŞ Prezidenti Donald Tramp administrasiyasının qeyri-rəsmi müşaviri kimi işinə davam edəcək.
AZƏRTAC xəbər verir ki, “ABC News” telekanalı bu barədə mənbələrinə istinadla məlumat yayıb.
Qəzetin həmsöhbətlərindən birinin sözlərinə görə, İlon Mask prezidentin qeyri-rəsmi müşaviri kimi fəaliyyətini davam etdirəcək və gələcəkdə Ağ evdəki görüşlərdə iştirak edə biləcək.
Bununla belə, administrasiyanın yüksək rütbəli məmurları sahibkarın Donald Trampın “böyük və gözəl” adlandırdığı qanun layihəsini tənqid etməsindən və ABŞ Hökumətinin Səmərəliliyi Departamentinin (DOGE) rəhbəri vəzifəsindən getməsindən məyus olduqlarını söyləyiblər.
Bu arada “Bloomberg” agentliyi səlahiyyət müddətinin başa çatması səbəbindən Maskın DOGE-dəki müavini Stiv Devisin də administrasiyadan ayrılacağını yazıb.
Xatırladaq ki, İlon Mask Donald Trampın əsas büdcə qanun layihəsinin DOGE-nin xərcləri azaltmaq səylərinə zərbə vurduğunu deyib.
Bölmənin digər xəbərləri
