Məcburi köçkün Bayram Vəliyev: Bizə daim diqqət göstərən Prezidentimizə minnətdarıq
Göyçay, 25 yanvar, Şahnəzər Bəşirov, AZƏRTAC
Prezident İlham Əliyevin məcburi köçkünlər və onlara bərabər tutulan şəxslər üçün vahid aylıq müavinətin müəyyənləşdirilməsi barədə Fərmanı yüksək qiymətə layiqdir. Bu Fərman dövlətimizin başçısının qaçqın və məcburi köçkünlərə diqqət və qayğısının daha bir təzahürüdür.
Bunu AZƏRTAC-a müsahibəsində Şuşa şəhərindən olan məcburi köçkün, Qarabağ müharibəsi veteranı, Göyçay şəhər 4 saylı orta məktəbin müəllimi Bayram Vəliyev bildirib.
Bayram müəllim deyib: “İlk növbədə, təbii qaz, elektrik enerjisi və içməli sudan istifadəyə görə ödənişlərin kart vasitəsilə həyata keçirilməsini alqışlayıram. Bizə verilən nağd pulla kommunal xərclərimizi rahat ödəyə biləcəyik. Təbii qaz, elektrik enerjisi və içməli sudan daha qənaətlə istifadə edəcəyik. Bu, həmin vəsaitin bir hissəsini digər ehtiyaclarımıza yönəltməyə imkan verəcək. Bizə göstərilən bu diqqət və qayğıya görə Prezidentimizə minnətdarıq”.
Bölmənin digər xəbərləri
