“Məcburi köçkün gənclər üçün məşğulluq imkanları” layihəsi çərçivəsində seminar-treninq keçirilmişdir
Ağdam, 10 oktyabr (AZƏRTAC). Azərbaycan Demokratik Tələbə Gənclər Təşkilatı və “Yaradıcı Gənclərə Dəstək” İctimai Birliyi Ağcabədi, Ağdam və Bərdə rayonlarında “Məcburi köçkün gənclər üçün məşğulluq imkanları” layihəsi çərçivəsində treninq-seminarlar təşkil etmişdir.
AZƏRTAC xəbər verir ki, Gənclər və İdman Nazirliyi yanında Gənclər Fondu tərəfindən maliyyələşdirilən layihənin reallaşdırılmasının məqsədi məcburi köçkün gənclərə məşğulluq sahəsində qanunvericiliyi və iş axtarmaq yollarını öyrətmək, onları maarifləndirməkdir.
Treninq zamanı gənclərə məşğulluq sahəsində qanunvericilik, iş tapmaq yolları, CV və digər prosedur sənədlərin hazırlanması öyrədilmişdir. İştirakçılara yaddaş kitabçası və qanunlar toplusu verilmişdir.
Bölmənin digər xəbərləri
