Mədəniyyət və Turizm Nazirliyi tərəfindən bir neçə şirkət və mehmanxanaya lisenziya verilmişdir
Bakı, 31 dekabr (AZƏRTAC). Mədəniyyət və Turizm Nazirliyi Azərbaycan Respublikası Prezidentinin 2002-ci il 2 sentyabr tarixli Fərmanı ilə təsdiq olunmuş “Azərbaycan Respublikasında bəzi fəaliyyət növlərinə xüsusi razılıq (lisenziya) verilməsi haqqında Qaydalar”ı və digər normativ-hüquqi aktları əsas götürərək “RİAD TOUR”, “Heritage Travel” və “AZLİT” MMC-lərə turizm fəaliyyəti ilə məşğul olmaq üçün lisenziya vermişdir.
Nazirlikdən AZƏRTAC-a bildirmişlər ki, bundan əlavə, Tovuz şəhərində fəaliyyət göstərən “İzel” mehmanxanasına, Naftalan şəhərindəki “Qaşaltı” sanatoriyasına da turizm fəaliyyəti ilə məşğul olmaq üçün lisenziya verilmişdir.
Bölmənin digər xəbərləri
