Mədəniyyət və Turizm Nazirliyi tərəfindən daha bir şirkət və mehmanxanaya lisenziya verilmişdir
Bakı, 7 dekabr (AZƏRTAC). Azərbaycan Respublikası Prezidentinin 2002-ci il 2 sentyabr tarixli Fərmanı ilə təsdiq edilmiş “Azərbaycan Respublikasında bəzi fəaliyyət növlərinə xüsusi razılıq (lisenziya) verilməsi haqqında Qaydalar”a uyğun olaraq Mədəniyyət və Turizm Nazirliyinin əmri ilə “TDT Travel” MMC-yə turizm fəaliyyəti ilə məşğul olmağa, “Hilton Baku” mehmanxanasına isə mehmanxana və mehmanxana tipli obyektlərin fəaliyyətinə dair xüsusi razılıq (lisenziya) verilmişdir.
Nazirliyin turizm şöbəsindən AZƏRTAC-a bildirmişlər ki, eyni zamanda, Nazirlər Kabinetinin müvafiq qərarı ilə təsdiq edilmiş “Turist-ekskursiya xidmətlərinin sertifikatlaşdırılması Qaydası”na əsasən, Astara şəhərindəki “Şindan” və Lənkəran şəhərindəki “AB Qala” mehmanxanalarını müvafiq təsnifatdan keçirmək və ulduz kateqoriyası vermək məqsədi ilə Mədəniyyət və Turizm Nazirliyinin ekspert qrupu həmin obyektlərə baxış keçirmişdir.
Bölmənin digər xəbərləri
