Media: Avropa aviaşirkətləri sərnişin güzəştlərinin ləğvinə çalışır
Bakı, 28 aprel, AZƏRTAC
Avropa aviaşirkətləri yanacaq qiyməti böhranından istifadə edərək Böyük Britaniya və Avropa İttifaqının hakimiyyət orqanlarına sərnişinlər üçün bir sıra imtiyazları ləğv etmələri üçün təzyiq göstərir.
AZƏRTAC xəbər verir ki, aviaşirkətlər, xüsusilə də hər uçuşda iki ədəd əl baqajına ödənişsiz icazə verilməsini tələb edən təşəbbüsə qarşı çıxırlar.
Onların iddiasına görə, bu cür tələblər Avropa və Böyük Britaniya aviaşirkətlərini əlverişsiz vəziyyətə salır və güzəştlər son həftələrdə yanacaq qiymətlərinin ikiqat artması səbəbindən ləğv edilməlidir.
Nəşrin məlumatına görə, aviaşirkətlər həmçinin ləğv edilmiş uçuşlar üçün sərnişinlərə verilən təzminatın dəyərinin də azaldılmasını istəyirlər.
Bölmənin digər xəbərləri
