MEK-in “İnformasiya bülleteni”nin növbəti nömrəsi nəşr olunub
Bakı, 5 sentyabr, AZƏRTAC
AMEA-nın Mərkəzi Elmi Kitabxanasının (MEK) 2025-ci ilin ikinci rübünə aid “İnformasiya bülleteni” işıq üzü görüb.
MEK-dən AZƏRTAC-a bildirilib ki, bülletendə bu dövrdə kitabxanaya daxil edilən Azərbaycan və xarici dillərdə kitablar, dövri və ardı davam edən nəşrlər, avtoreferatların biblioqrafik göstəriciləri təqdim olunur. İstifadəni asanlaşdırmaq məqsədilə burada əks olunan sənədlər elm sahələri üzrə qruplaşdırılıb, əlifba sırası ilə düzülüb. Bülletenin bu nömrəsində akademik İsa Həbibbəylinin şəxsi kolleksiyasına daxil edilən ədəbiyyatların, eləcə də professor-arxeoloq Əsədulla Cəfərovun hədiyyə etdiyi nəşrlər əsasında formalaşdırılmış yeni kitab kolleksiyasının təsvirləri yer alıb.
Nəşrdə 100 illik tarixə malik Mərkəzi Elmi Kitabxananın kartoteka sisteminin inkişaf mərhələləri və hazırda müasir elektron sistemlə paralel fəaliyyəti haqqında araşdırma məqalə də dərc olunub.
Bülletenin sonunda isə aprel-iyul aylarında kitabxanada keçirilən tədbirlərin xronikası ilə daha ətraflı tanış olmaq üçün QR-kod keçidləri oxucuların ixtiyarına verilib.
Bölmənin digər xəbərləri
