“MƏKANIN MELODİYASI” FİLMİ TAMAŞAÇILARA TƏQDİM OLUNDU
Film göstərilməzdən əvvəl mədəniyyət naziri Polad Bülbüloğlu yeni kino lentinin məziyyətlərindən danışmış, onun ərsəyə gətirilməsində iştirak edən aktyorları - Ələddin Abbasovu, Ayan Mirqasımovanı, Mehriban Zəkini və başqalarını iştirakçılara təqdim etmişdir.
Ə.Abbasov çıxış edərək bu yaradıcı işin ona sevinc gətirdiyini vurğulamışdır. Bildirmişdir ki, ahıl yaşlarında belə bir ekran əsərinə çəkilməyindən çox məmnundur.
Şair Ramiz Rövşənin ssenarisi əsasında rejissor Hüseyn Mehdiyevin quruluş verdiyi film 80 yaşlı violonçelçalan Muradın həyatından bəhs edir. Bu qəhrəman doğum günündə - 80 yaşında ötən illərinin melodiyasını axtarır və nəhayət ilk və axırıncı dəfə tapır və həmin məkanda da dünyasını dəyişir.
Son illər ilk dəfədir ki, Azərbaycan filmi belə anşlaqla keçmişdir.
Bölmənin digər xəbərləri
