Meksikada reabilitasiya mərkəzinə hücum nəticəsində 9 nəfər ölüb
Bakı, 8 aprel, AZƏRTAC
Meksikanın şimal-qərbindəki Sinaloa ştatında yerləşən reabilitasiya mərkəzinə silahlı hücum olub. Hadisə nəticəsində azı 9 nəfər ölüb, 5 nəfər yaralanıb.
AZƏRTAC xəbər verir ki, bu barədə yerli hakimiyyət orqanları məlumat yayıb. Tüfənglərlə silahlanmış maskalı basqınçılar klinikanın darvazalarını sındıraraq xəstələrə və işçilərə atəş açıblar.
“911” qaynar xəttinə edilən zənglərdən sonra hadisə yerinə gələn polis ölən və yaralananların olduğunu təsdiqləyib.
Hüquq-mühafizə orqanlarının məlumatına görə, 8 nəfər hadisə yerində, daha bir nəfər isə xəstəxanada həyatını itirib.
Ştatın Baş Prokurorluğu hücumla bağlı araşdırmalara başlayıb.
Bölmənin digər xəbərləri
