Məktəbəhazırlıq və ibtidai siniflər üçün tətil günlərinin vaxtı açıqlanıb
Bakı, 28 aprel, AZƏRTAC
Ümumi təhsil müəssisələrinin məktəbəhazırlıq və ibtidai siniflərində 1-5 may tarixləri tətil günləridir. Bu məsələ Nazirlər Kabinetinin Qərarında əks olunub.
Bunları AZƏRTAC-a açıqlamasında Təhsil Nazirliyinin İctimaiyyətlə əlaqələr sektorunun müdiri Cəsarət Valehov deyib.
C.Valehov bildirib ki, qeyd edilənlərə əsasən cari tədris ilində də 1-5 may tarixləri məktəbəhazırlıq və ibtidai siniflər üçün tətil günləri hesab olunur. Həmin günlərdə məktəbəhazırlıq və ibtidai siniflərdə tədris və təlim prosesi (əyani və ya distant) dayandırılır.
Bölmənin digər xəbərləri
