Məktəblilərə Xəzər dənizinin çirklənmədən qorunması barədə məlumat verilib
Bakı, 27 sentyabr, AZƏRTAC
Ekologiya və Təbii Sərvətlər Nazirliyinin mütəxəssisləri Beynəlxalq Dəniz Günü ilə əlaqədar paytaxtın 225 saylı tam orta məktəbində seminar keçiriblər.
Nazirliyin mətbuat xidmətindən AZƏRTAC-a bildiriblər ki, “Xəzər dənizinin ətraf mühitinin mühafizəsi” mövzusunda baş tutan tədbirdə məktəblilərə Xəzər dənizinin çirklənmədən qorunması, onun ekoloji vəziyyətinin yaxşılaşdırılması, bioloji ehtiyatlarının mühafizəsi barədə maarifləndirici məlumatlar verilib, şagirdləri maraqlandıran suallar cavablandırılıb.
Qeyd edək ki, dünya ictimaiyyətinin diqqətini su hövzələrinin və onun bioresurslarının qorunmasına yönəltmək məqsədilə Birləşmiş Millətlər Təşkilatının qəbul etdiyi qərara əsasən 1978-ci ildən etibarən hər il sentyabr ayının sonuncu həftəsi Beynəlxalq Dəniz Günü kimi qeyd olunur.
Bölmənin digər xəbərləri
