Memarlıq və İnşaat Universiteti Silahlı Qüvvələrə Yardım Fonduna 50 min manat vəsait köçürüb
Bakı, 2 oktyabr, AZƏRTAC
Azərbaycan Memarlıq və İnşaat Universiteti (AzMİU) Azərbaycan Respublikasının Silahlı Qüvvələrinin Yardım Fonduna 50 min manat vəsait köçürüb.
AzMİU-dan AZƏRTAC-a bildirilib ki, bununla bağlı qərar Elmi Şuranın növbədənkənar iclasında verilib. Şura üzvlərinin iclasda qəbul etdikləri qərar layihəsində bildirilir ki, torpaqlarımızı Ermənistanın işğalından azad etmək, Vətənimizin bütövlüyü uğrunda döyüşən qəhrəman ordumuza maddi və mənəvi dəstək olmaq hər bir vətəndaşımızın mənəvi borcudur. Ordumuza, cəbhədə, Qarabağda tarix yazan mərd oğullarımıza dəstək olmaq bizə böyük şərəfdir. Biz böyük zəfərlər astanasındayıq. Yolumuz haqq yoludur və inanırıq ki, qələbə bizimlədir!
Bölmənin digər xəbərləri
