“Məzunların məşğulluq reytinqi” platforması Sinqapurda keçirilən müsabiqədə qalib seçilib
Bakı, 22 aprel, AZƏRTAC
Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin “Məzunların məşğulluq reytinqi” platforması Sinqapurda keçirilən “World Business Outlook Awards” müsabiqəsində yüksək qiymət alıb.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, həmin platforma müsabiqənin “Məşğulluq Xidmətlərində Ən Yaxşı Texnoloji İnnovasiya” kateqoriyası üzrə qalib seçilib.
Müsabiqədə Dövlət Məşğulluq Agentliyi ilə yanaşı, ABŞ, Braziliya, Çin, Hindistan, Özbəkistan, Qırğızıstan, Yunanıstan və digərləri daxil olmaqla 50-dən çox ölkədən qurumlar iştirak edib.
Həmin mükafat biznes, texnologiya, innovasiya, təhsil, nəqliyyat və digər sahələrdə mühüm töhfələr vermiş təşkilat və fərdlərin nailiyyətlərini təqdir etmək məqsədi daşıyır.
Bölmənin digər xəbərləri
