MİLLİ ELMLƏR AKADEMİYASINDA YENİ MƏRKƏZ YARADILMIŞDIR
AZƏRTAC-ın müxbiri xəbər verir ki bu münasibətlə təşkil olunmuş mərasimi institutun direktoru, professor Yusif Rüstəmov açaraq İran İslam Respublikasının ölkəmizdəki səfirliyinin köməyi ilə yaradılmış mərkəzin əhəmiyyətindən danışaraq demişdir ki, biz öz ədəbiyyatımızı, ictimai-siyasi fikir tariximizi öyrənərkən farsdilli ədəbiyyata istinad etmək məcburiyyətində qalırıq. “İran sosial, siyasi və fəlsəfi fikirləri” mərkəzi məhz həmin məqsədlə yaradılmışdır.
İran İslam Respublikasının Bakıdakıi səfiri Əhəd Qəzai, Milli Məclisin elm və təhsil məsələləri daimi komissiyasının sədri Şahlar Əsgərov , MEA-nın humanitar və ictimai elmlər bölməsinin akademik katibi, MEA-nın müxbir üzvü Ağamusa Axundov və başqaları İran-Azərbaycan elmi əlaqələrinin inkişaf etdirilməsinin zərurilyindən danışmışlar.
Mərkəzin açılışından sonra mərasim iştirakçıları buradakı ədəbi nümunələrlə - Saib Təbrizinin, Qətran Təbrizinin əsərləri, beş cildlilk “Azərbaycanın fəxrləri” kitabı, Məmmədhüseyn Şəhriyarın, Füzulinin, Şah İsmayıl Xətainin əsərləri və digər onlarca qiymətli çap məhsulları ilə tanış olmuşlar.
Bölmənin digər xəbərləri
