MİLLİ MƏCLİSİN DAİMİ KOMİSSİYASININ İCLASINDA

23.05.2006 [19:16]
Çap et
A⁺ A^-

AZƏRTAC xəbər verir ki, Milli Məclisin sosial siyasət daimi komissiyasının mayın 23-də keçirilmiş iclasında “Azərbaycan Respublikası Dövlət Sosial Müdafiə Fondunun 2006-cı il büdcəsi haqqında” Qanuna əlavələr və dəyişikliklər edilməsi barədə” Qanun layihəsi müzakirə olunmuşdur.

Komissiyanın sədri Hadi Rəcəbli demişdir ki, ölkə iqtisadiyyatının dinamik inkişafı əhalinin rifah halının yaxşılaşdırılması imkanlarını genişləndirir. Ölkəmizin Prezidenti əhalinin aztəminatlı təbəqəsinin sosial müdafiəsinin gücləndirilməsi məqsədi ilə Dövlət Sosial Müdafiə Fondunun büdcəsinə əlavə və dəyişikliklər edilməsi barədə qanun layihəsini Milli Məclisə göndərmişdir. Layihədə Fondun büdcəsinin 21 milyon 239 min 700 manat artırılması nəzərdə tutulmuşdur. Beləliklə, Fondun büdcəsi 589481200,0 manat olacaqdır. Buna müvafiq olaraq, layihədə əhaliyə ödənişlərin, əmək pensiyalarının baza hissəsində və digər xərc maddələrində də artım olmuşdur.

Deputatlar artımı müsbət qarşılamış və layihənin təsdiqlənmək üçün Milli Məclisin müzakirəsinə çıxarılmasını qərara almışlar.