Milli Olimpiya Komitəsinin vitse-prezidenti Avropa Olimpiya Komitəsinin iclasında iştirak edir
Bakı, 18 yanvar, AZƏRTAC
İsveçrənin Lozanna şəhərində Avropa Olimpiya Komitəsi (AOK) İcraiyyə Komitəsinin yeni heyətinin ilk iclası işə başlayıb.
AZƏRTAC xəbər verir ki, tədbirdə AOK-un İcraiyyə Komitəsinin üzvü və Azərbaycan Milli Olimpiya Komitəsinin vitse-prezidenti Çingiz Hüseynzadə də iştirak edir.
Həmçinin iclasda AOK-un prezidenti Janez Koçijançiç, baş katib Rafael Paqnozzi, vitse-prezident Nils Niqaard və İcraiyyə Komitəsinin üzvləri iştirak edirlər.
AOK-un iclası çərçivəsində adıçəkilən təşkilatın baş katibi və xəzinədarının hesabat çıxışları dinlənilib. Atletlər Komissiyasının mühazirəsi gündəlikdə olan məsələlər sırasındadır.
İclasda ikinci Avropa Oyunları və Yeniyetmələrin Avropa Olimpiya Festivalı, həmçinin 39-cu Avropa Olimpiya Komitəsinin seminarı və “Pyonçanq-2018” Qış Olimpiya Oyunları müzakirə olunacaq.
Bölmənin digər xəbərləri
