Milli Qurtuluş Gününə həsr edilmiş ağacəkmə kampaniyası keçirilmişdir
Bakı, 12 iyun (AZƏRTAC). Yeni Azərbaycan Partiyasının Nəsimi rayon təşkilatı və YAP Gənclər Birliyi 15 iyun - Milli Qurtuluş Günü münasibətilə “Qurtuluşdan İpək Yoluna” devizi altında ağacəkmə kampaniyası keçirmişlər.
AZƏRTAC xəbər verir ki, kampaniya Bakı-Qazax magistral yolu boyunca 10 şəhər və rayonu (Bakı şəhərini, Hacıqabul, Kürdəmir, Ucar, Yevlax, Gəncə, Şəmkir, Tovuz, Ağstafa, Qazax) əhatə etmişdir.
Kampaniyada iştirak edənlər arasında gənclər üstünlük təşkil etmişlər.
Layihənin əsas məqsədi ulu öndər Heydər Əliyevin siyasi kursunu uğurla davam etdirən Prezident İlham Əliyevin nailiyyətlərini İpək Yolu boyunca gözəlləşən və inkişaf edən Azərbaycan rayonlarının simasında ictimaiyyətə çatdırmaqdır.
Bu layihə həm də Heydər Əliyev Fondunun təşəbbüsü ilə reallaşdırılan İDEA Ətraf Mühitin Mühafizəsi Kampaniyasına dəstəkdir.
Ağacəkmə kampaniyasında Milli Məclisin deputatı Məlahət İbrahimqızı da iştirak etmişdir.
Bölmənin digər xəbərləri
