MİNGƏÇEVİR NOVRUZA HAZIRLAŞIR
Mingəçevir Şəhər Təhsil Şöbəsi Şəkil Qalereyası ilə birlikdə Novruz bayramına həsr olunmuş uşaq rəsm müsabiqəsi keçirir. Ali və orta məktəblərdə, mədəniyyət evlərində bu əziz gün münasibətilə musiqili-ədəbi gecələr təşkil olunur. Dövlət Dram Teatrında isə respublikanın xalq artisti Zülfüqar Abbasovun ssenarisi və rejissorluğu ilə hazırlanmış “Novruz gəlir, yaz gəlir” tamaşası göstərilir.
AZƏRTAC-ın müxbirinə verilən məlumatda bildirilir ki, bu ilki ümumşəhər Novruz şənliyi Səməd Vurğun meydanında olacaqdır. Bütün kollektivlərdə bu xalq bayramına hazırlıq tədbirləri görülür, Novruz iməcilikləri keçirilir, şəhərin hər yerində səliqə-sahman yaradılır.
