Mingəçevirdə qızlar arasında həndbol üzrə respublika oyunlarının final yarışı keçirilmişdir
Mingəçevir, 5 noyabr (AZƏRTAC). Gənclər və İdman Nazirliyinin təşkilatçılığı ilə Mingəçevir şəhərində İdman Məktəblərinin VI Respublika Oyunlarının Proqramına uyğun olaraq 1999-2000-ci il təvəllüdlü qızlar arasında həndbol üzrə yarışın finalı keçirilmişdir. Respublikada həndbol idman növünün təbliği və yayılması, gənc və perspektivli idmançıların aşkar edilməsi məqsədi ilə “Kür” Olimpiya İdman Kompleksində təşkil edilən yarışın final mərhələsində “Bakı-1” (ROİL), “Bakı-2” (Təhsil RİM), “Mingəçevir”, “Gəncə”, “Şəmkir”, “Şirvan”, “İsmayıllı” və “Tovuz” komandaları mükafatlar uğrunda mübarizə aparmışlar.
Yarışda “Bakı-1” komandası birinci, “Bakı-2” komandası ikinci, “İsmayıllı” komandası üçüncü yeri tutmuşdur. Hər üç komanda Gənclər və İdman Nazirliyinin diplom və medalları ilə təltif olunmuşlar.
Bölmənin digər xəbərləri
