Misirdə daha beş nəfər yeni növ koronavirusdan ölüb
Qahirə, 5 aprel, AZƏRTAC
Misirdə COVID-19 virusundan ölənlərin sayı 71 nəfərə çatıb.
AZƏRTAC xəbər verir ki, bu barədə Misirin Baş Naziri Mustafa Madbuli məlumat verib. O qeyd edib ki, son bir sutkada xəstəlikdən daha 5 nəfər dünyasını dəyişib.
Baş Nazir bildirib ki, aprelin 4-də ölkədə koronavirusa 85 yeni yoluxma halı qeydə alınıb və beləliklə, xəstələrin ümumi sayı 1071 nəfərə çatıb. Onun sözlərinə görə, COVID-19 virusuna yeni yoluxanların hamısı xarici ölkələrdən gələn Misir vətəndaşlarıdır.
Misir Səhiyyə Nazirliyinin məlumatına görə, son bir sutkada 23 nəfər, o cümlədən 3 əcnəbi koronavirusdan müalicə olunub. İndiyədək 241 koronavirus xəstəsi tam sağalıb.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
