Moldova iki beynəlxalq dənizçilik konvensiyasına qoşulacaq
Bakı, 17 iyun, AZƏRTAC
Moldova dəniz təhlükəsizliyi və ətraf mühitin qorunması sahəsində iki beynəlxalq konvensiyaya qoşulmağa hazırlaşır.
AZƏRTAC Moldovanın Moldpres informasiya agentliyinə istinadla xəbər verir ki, ölkə parlamentinin Xarici siyasət komitəsi 2007-ci il Nayrobi və 2009-cu il Honkonq konvensiyalarına qoşulma haqqında qanun layihələrinin plenar iclasda təsdiqlənməsini tövsiyə edib.
Nayrobi Konvensiyası gəmi qəzalarının müəyyən edilməsi və aradan qaldırılması ilə bağlı beynəlxalq qaydaları müəyyən edir. Honkonq Konvensiyası isə gəmilərin təhlükəsiz şəkildə sökülməsi və təkrar emalını tənzimləyir.
Qeyd olunur ki, bu addım Moldovanın beynəlxalq dənizçilik standartlarına uyğunlaşmasına və regional əməkdaşlığın güclənməsinə töhfə verəcək. Konvensiyalar parlament tərəfindən ratifikasiya edildikdən sonra qüvvəyə minəcək.
Bölmənin digər xəbərləri
