Moldovada uşaqlar arasında koronavirusa yoluxma halları artır
Kişineu, 24 fevral, AZƏRTAC
Moldovada uşaqlar arasında koronavirusa yoluxma halları artır. Ötən həftə xəstəxanaya yerləşdirilən uşaqların sayı əvvəlki həftəyə nisbətən bir neçə faiz artıb.
AZƏRTAC yerli mətbuata istinadla xəbər verir ki, koronavirusa yoluxan uşaqların əksəriyyətinin vəziyyəti orta ağır qiymətləndirilir.
Hazırda Moldovada Uşaq Klinik Yoluxucu Xəstəliklər xəstəxanasında 120 çarpayının hamısı doludur. Əvvəlki həftələrlə müqayisədə xəstələrin sayında artım var.
Səhiyyə Nazirliyinin verdiyi məlumata görə, pandemiya başlayandan bəri təxminən 12.000 uşağa COVID-19 diaqnozu qoyulub və ikisi həyatını itirib. Hazırda 363 məktəbli koronavirus xəstəsidir, 6600-dən çoxu karantindədir.
Emil Hüseynli
AZƏRTAC-ın xüsusi müxbiri
Kişineu
Bölmənin digər xəbərləri
