Monsada “Liberty Media”nın ödənişlərini növbəti 3 il üçün azaltmağa nail olublar
Bakı, 7 may, AZƏRTAC
Monsada keçiriləcək Formula 1 İtaliya Qran-Prisinin təşkilatçısı, İtaliya Avtomobil Klubunun prezidenti Anjelo Stikki Damiani Formula 1 ilə yeni sazişin iyul ayınadək imzalanacağına ümidvar olduğunu bildirib.
AZƏRTAC xəbər verir ki, “Rai” Damianinin bu sözlərini sitat gətirib: “Bütün vacib əlavələri nəzərə alsaq, sazişi müzakirə etmək üçün bizə bir aya yaxın vaxt lazım oldu. Ümidvaram ki, saziş iyul ayınadək imzalanacaq. 2016-cı ildə Berni Ekklstounla bağlanan əvvəlki saziş sərfəli deyildi. Biz maliyyə tələblərini aşağı sala bildik, lakin danışıqlar çox çətin keçdi.
Saziş məxfi xarakter daşıyır, lakin biz “Liberty Media”nın ilkin tələbləri ilə müqayisədə daha böyük vəsaitə qənaət etməyə nail olduq. Onlar 24 milyondan çox istəyirdilər, lakin biz ödənişi növbəti 3 il üçün azalda bildik. Bu, əla şərtlərdir. Yaxşı haldır ki, “Liberty Media” Monsanın əhəmiyyətli olmasını başa düşür”.
Bölmənin digər xəbərləri
