MORİTS LOYENBERGER 2006-CI İL ÜÇÜN İSVEÇRƏ PREZİDENTİ SEÇİLMİŞDİR

07.12.2005 [19:36]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, İsveçrə Sosial Demokrat Partiyasının nümayəndəsi Morits Loyenberger dekabrın 7-də ölkənin 2006-cı il üçün Prezidenti seçilmişdir. Seçkilər Berndə Federal Məclisin iclasında keçirilmişdir.

İsveçrə Konfederasiyasının başçısı hökumətin yeddi üzvünün rotasiyası prinsipi əsasında bir il müddətinə seçilir. Sonrakı il həmin vəzifəni vitse-prezident işləmiş şəxs tutur.

59 yaşlı Morits Loyenberger həm də Ətraf Mühit, Nəqliyyat, Energetika və Rabitə Federal Departamentinin rəisi vəzifəsini daşıyacaqdır.

İsveçrənin 2006-cı il üçün vitse-prezidenti Xarici İşlər Federal Departamentinin rəisi Mişlin Kalmi-Rey seçilmişdir.