Moskva Dövlət Universitetinin Bakı filialı bakalavriat səviyyəsinə qəbul elan edir
Bakı, 21 iyun, AZƏRTAC
M.V.Lomonosov adına Moskva Dövlət Universitetinin Bakı filialı 2023/2024-cü tədris ili üçün bakalavriat səviyyəsinə qəbul elan edir.
Bu barədə AZƏRTAC-a Dövlət İmtahan Mərkəzindən məlumat verilib. Qəbul aparılan ixtisasların siyahısı, qəbul planı, qəbul qaydaları və s. məlumatlar Azərbaycan və rus dillərində DİM-in müvafiq səhifəsində yerləşdirilib.
M.V.Lomonosov adına MDU-nun Bakı filialının bakalavr səviyyəsinə qəbul olunmaq haqqında ərizə qəbulu iyulun 6-dan avqustun 9-dək (saat 16:00-dək) elektron qaydada aparılacaq. Ərizə göstərilən tarixlərdə filialın msu.az saytında və yaxud dim.gov.az saytında veriləcək keçid vasitəsilə doldurula bilər.
Ətraflı məlumat üçün əlaqə vasitələri:
E-mail: [email protected];
Telefon: (+994 12) 593 93 19, (+994 10) 215 75 15
Bölmənin digər xəbərləri
