Moskvada MDB ölkələrinin təhlükəsizlik orqanlarının və kəşfiyyat xidmətlərinin rəhbərlərinin müşavirəsi keçiriləcək
Moskva, 12 oktyabr, AZƏRTAC
Oktyabrın 13-də Moskvada MDB ölkələrinin təhlükəsizlik orqanlarının və kəşfiyyat xidmətlərinin rəhbərlərinin müşavirəsi keçiriləcək.
AZƏRTAC Rusiya Xarici Kəşfiyyat Xidmətinin mətbuat bürosuna istinadla xəbər verir ki, müşavirədə MDB ölkələrinin xüsusi xidmətlərinin təhlükəsizliyin və sabitliyin təmin edilməsi sahəsində qarşılıqlı fəaliyyəti məsələləri nəzərdən keçiriləcək. Tədbirdə Azərbaycan, Ermənistan, Belarus, Qazaxıstan, Qırğızıstan, Tacikistan, Türkmənistan və Özbəkistanın nümayəndə heyətləri iştirak edəcəklər.
Kremlin mətbuat xidmətinin məlumatına görə, məşvərətçi orqanının işi çərçivəsində RF Prezidenti Vladimir Putinin MDB ölkələrinin xüsusi xidmətlərinin rəhbərləri ilə videokonfrans formatında görüşünün keçirilməsi planlaşdırılır.
Müşavirəni Rusiya Xarici Kəşfiyyat Xidmətinin direktoru Sergey Narışkin açacaq.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
