Müəllimlərin işə qəbulu müsabiqəsinin test imtahanı mərhələsinin həftəlik icmalı açıqlanıb
Bakı, 12 iyul, AZƏRTAC
Təhsil Nazirliyi iyulun 5-dən start verilən müəllimlərin işə qəbulu müsabiqəsinin test imtahanı mərhələsinin həftəlik icmalını açıqlayıb.
Nazirlikdən AZƏRTAC-a bildirilib ki, həftə ərzində fizika, informatika və ibtidai sinif üzrə test imtahanları təşkil edilib. Fizika fənni üzrə imtahanlarda ümumilikdə 1869 nəfər - 1797 nəfər Azərbaycan bölməsi, 72 nəfər rus bölməsi iştirak edib. Fizika fənni üzrə ən yüksək göstərici 59 bal olub. İnformatika fənni üzrə imtahanlarda ümumilikdə 2 min 534 nəfər - 2 min 439 nəfər Azərbaycan bölməsi, 95 nəfər rus bölməsi iştirak edib. İnformatika fənni üzrə ən yüksək göstərici 58 bal olaraq qeydə alınıb.
İbtidai sinif üzrə test imtahanlarında ümumilikdə 7 min 917 nəfər - 7 min 394 nəfər Azərbaycan bölməsi, 523 nəfər rus bölməsi iştirak edib.
İbtidai sinif üzrə test imtahanlarında isə ən yüksək nəticə 60 bal olub.
Bölmənin digər xəbərləri
