MÜƏSSİSƏ KANADA VƏ İSRAİLDƏN SİFARİŞLƏR ALMIŞDIR
Müəssisədən AZƏRTAC-a bildirmişlər ki, burada istehsal olunan şərabların respublikamızdan kənarda şöhrət tapmasının bir səbəbi də həmin məhsulların beynəlxalq müsabiqələrdə yüksək yer tutmasıdır.
İndiyədək “Yeddi gözəl”, “Qız qalası”, “Sevgilim”, “İvanovka” şərabları nüfuzlu beynəlxalq müsabiqələrdə qalib gəlmiş, qızıl medallara layiq görülmüşdür.
Elə bu yaxınlarda “Yeddi gözəl” şərabına Bolqarıstanın Blaqoevqrad şəhərində keçirilən festivalda öz dadı və keyfiyyətinə görə münsiflər heyətinin yekdil qərarı ilə “Ən dadlı çaxır” adı verilmişdir.
Burada milli şərabçılıq ənənələrinə uyğun daha bir məhsulun – “Şardane” turşməzə süfrə şərabının istehsalına başlanmışdır. Açıq Səhmdar Cəmiyyətinin buraxdığı 16 adda şərab Azərbaycanın ənənəvi ixrac məhsulları arasında özünə möhkəm yer tutmuşdur.
Bölmənin digər xəbərləri
